Hvernig virkar Lagaviti?
Einföld notkun og gæði röksemda og úrlausna eru í forgrunni við þróun Lagavita.
Þú getur notað Lagavita í því umhverfi sem hentar þér best hverju sinni, hvort sem er á vefnum eða í Microsoft Word. Lagaviti aðstoðar þig við úrlausn lögfræðilegra verkefna með því að taka saman röksemdir með vísunum til viðeigandi réttarheimilda, innbyggðu gæðaeftirliti með greiningu á styrkleikum og veikleikum eigin svara, mati á röksemdum með og á móti og hvort aðrar niðurstöður séu lögfræðilega tækar og auðveldu aðgengi að þeim málsgreinum úr viðeigandi réttarheimildum sem vísað er til. Þú getur svo haldið samtalinu áfram, breytt forsendum, beðið Lagavita um að skoða ákveðin atriði nánar o.s.frv. Lagaviti vinnur því með þér frá upphafi til enda en ábyrgð á forsendum fyrirspurna og endanleg niðurstaða er þó að sjálfsögðu alltaf þín og í þínum höndum.
Lausnin er byggð ofan á sérvaldar gervigreindareiningar sem hafa verið sérsniðnar að íslensku lagaumhverfi. Mikil vinna hefur verið lögð í að Lagaviti skili niðurstöðum á greinargóðri og vandaðri íslensku og byggi röksemdir sínar á íslenskri lagalegri aðferðafræði og íslenskri lagahefð.
LAGAVITI SKIPTIST Í TVO HLUTA
ALMENNI HLUTINN
Í almenna hlutanum beitir Lagaviti lögfræðilegri aðferðafræði og skilar svörum sem byggja alfarið á réttarheimildum í hans gagnagrunni (yfir 300.000 heimildaskjöl).
Lagaviti lærir ekki af samtölum notanda og þau nýtast ekki öðrum notendum.
Notandi getur hlaðið upp og spurt út í skjöl á helstu formum (Word, PDF, Excel, Powerpoint o.s.frv.).
Notandinn nýtur auk þess góðs af grunnvirkni fulltrúaflæðis, genamengis, sérvita og vinnuflæða sem og samþættingu við Word og tungumálakunnáttu Lagavita.
SÉRSTAKI HLUTINN
Í sérstaka hlutanum er Lagaviti settur upp innan rekstrarumhverfis viðskiptavinar, að undangengnu sérstöku innleiðingarferli kerfis- og öryggisstjóra. Með því skapast tækifæri til að tengja Lagavita við eigin upplýsingar og skjöl viðskiptavinar í gegnum Sharepoint sem og tölvupóst viðskiptavinar í gegnum Outlook.
Í sérstaka hlutanum getur Lagaviti unnið með og útbúið vinnuskjöl sem byggja á fyrirmyndum áskrifanda eða einstakra notenda. Jafnframt býðst aukin og dýpri virkni fulltrúaflæðis, genamengis, sérvita, vinnuflæða og samþættingar við Word.
Besta samþætting fæst því þegar sérstaki og almenni hlutinn vinna saman sem ein heild að úrlausn tiltekins álitaefnis.
Innri gæðaprófanir
Lagaviti framkvæmir innri gæðaprófanir fyrir hvert svar. Í greiningu sinni á svarinu bendir Lagaviti þér á styrkleika og veikleika svarsins, rök með og á móti tiltekinni niðurstöðu og hvort fleiri en ein niðurstaða sé lögfræðilega tæk.
Fulltrúaflæði
Lagaviti kemur með tillögur um hvernig eigi að leysa úr fyrirspurninni þinni til að tryggja markvissa og skilvirka úrvinnslu í samræmi við þínar þarfir.
Genamengi
Lagaviti er með aðgang að allri lagasögunni og getur séð tengslin á milli allra íslenskra réttarheimilda ("tengslanet") sem minnkar gríðarlega líkurnar á uppspuna og röngum svörum. Lagaviti getur líka sagt til um hver réttarstaðan var á hvaða tíma sem er ("tímaflakk") og er því ekki takmarkaður við gildandi rétt.
Sérvitar
Lagaviti er með innbyggða sérfræðinga (sérvita) sem vita hvað þarf að leggja áherslu á við úrlausn á tilteknum sviðum.
Vinnuflæði
Lagaviti getur lagað sig að þínum sérþörfum. Þú setur upp öll þau vinnuflæði sem þú vilt og Lagaviti fylgir því sem hentar hverju sinni.
Word
Lagaviti getur lesið yfir skjöl og komið með rökstuddar breytingatillögur í Word. Samþykktar breytingar birtast á réttum stað í skjalinu með "Track Changes".
Tungumál
Lagaviti les erlend gögn og réttarheimildir og snarar þeim yfir á íslensku í svörum sínum. Hann getur líka þýtt svörin yfir á hvaða tungumál sem er.
